University of Wisdom Land ပညာဘူမိတက္ကသိုလ်
ရန်ကုန်-မန္တ လေးအမြန်လမ်း၊ ၇မိုင် ၆ဖာလုံ၊
လှည်းကူးမြို့နယ်၊ရန်ကုန်မြို့၊၁၁၃၇၅။
Yangon-Mandalay Express Highway, 7/6 Mile Hlegu,
Yangon, Myanmar, 11375
https://www.facebook.com/universitywisdomland
https://goo.gl/maps/v8HxRuBaAyNpPb1V6
ပညာဘူမိ တက္ကသိုလ်ဖြစ်ပေါ်လာပုံ (History)
🌿ပညာဘူမိဆိုသည်မှာ ပညာရဲ့ ဖြစ်ပေါ်ရာနေရာ
ပညာရဲ့ဖြစ်ပေါ်ရာဌာန ကို ပညာဘူမိ ဟုခေါ်တွင်သည်။
ဗုဒ္ဓမြတ်စွာဘုရား၏ အသိပညာများ ဖြစ်ပေါ်ခဲ့သော
နေရာသည် ဗောဓိပင် ညောင်ပင်အောက်တွင် တရားဓမ္မ
ကျင့်ကြံပြီး ပညာဉာဏ် အလုံးစုံရရှိခဲ့ခြင်း
ဖြစ်သည်။
🌿ထိုဗောဓိပင်ကို အမှတ်အသားပြု၍ ဤနေရာမှာလည်းပဲ
ဗုဒ္ဓမြတ်စွာဘုရားထံက ရရှိတဲ့ ဩဝါဒတွေကို အခြေခံ
ပြီးတော့ ဓမ္မအသိပညာတွေရရှိဖို့ ဒီတက္ကသိုလ်နေရာက
နေ အဓိက ဖြန့်ဖြူးမယ်လို့ ရည်ရွယ်ပြီးတော့
ပညာဘူမိဟု အမည်ပေးထားခြင်း ဖြစ်သည်။
မြတ်စွာဘုရားဟောကြားခဲ့သည့် ပိဋကတ် သုံးသွယ်
နိကာယ် ငါးဖြာ ဓမ္မခန္ဓာပေါင်း
ရှစ်သောင်းလေးထောင်ဟာ မြန်မာနိုင်ငံမှာ
အထင်အရှားရှိနေရုံသာမက ဟောပြောနိုင်တဲ့
ပုဂ္ဂိုလ်တွေ ကျမ်းပြုနိုင်တဲ့ ပုဂ္ဂိုလ်တွေ
မြန်မာပြည် မှာ အများအပြားရှိနေသည်မှာ ထင်ရှားသည်။
🌿ဘာသာစကားအနေဖြင့်လည်း ပါဠိဘာသာဆိုသည်မှာ
မြင့်မြတ်တဲ့ဘာသာစကားများကို ခေါ်ဆိုခြင်းဖြစ်သည်။
မြတ်စွာဘုရား ဟောကြားသည့် တရားတော်များကို
ပါဠိဟုခေါ်ဆိုခြင်းလည်း ဖြစ်သည်။ နောက်ပိုင်း
ခေတ်ကာလများတွင် မြတ်စွာဘုရားဟောကြားသည့်
ဘာသာကိုပင် ပါဠိဘာသာဟု ခေါ်ဆိုလိုက်ခြင်း ဖြစ်သည်။
🌿ပါဠိဘာသာ (သို့) မြင့်မြတ်တဲ့စကားတော်တွေ မြန်မာနိုင်ငံမှာ ရှင်သန်နေအောင်၊ အမြဲတမ်းဖွံ့ဖြိုး တိုးတက်နေအောင်၊ လူတွေရဲ့ ရင်ထဲနှလုံးထဲမှာ ရောက်ရှိနေအောင်၊ တတ်နိုင်သမျှ ဤနေရာ ဤဌာန ကို အသုံးချဖို့ အဓိက ရည်မှန်းထားရှိသည်။ သို့ပါသောကြောင့် ဤနေရာကို ပညာဘူမိ ဖြစ်စေရန် ရည်မှန်းသည်။
**************************************************************
ပညာဘူမိတက္ကသိုလ် သုတဓမ္မဂဝေသီ (BA) တန်း
**************************************************************
ပညာဘူမိတက္ကသိုလ် သုတဓမ္မ Level (၃) အောင်မြင်သူများအတွက် သုတဓမ္မဂဝေသီ (BA) တန်း၌ ဖြေဆိုရမည့် ပြဌာန်း ဘာသာရပ်များ ကို ၁/၁/၂၄ ရက်စွဲဖြင့် ထုတ်ပြန်ကြေညာထားချက်များ
ပညာသင်နှစ် ၂၀၂၄ မှ အစပြုသည်။
(၁) သုတဓမ္မဂဝေသီ part (1)
မိလိန္ဒပဥှာ
(၂) သုတဓမ္မဂဝေသီ part (2)
ပါရာယနဒေသနာ
(၃) သုတဓမ္မဂဝေသီ part (3)
ဗောဓိပက္ခိယတရားကိုလေ့လာသုံးသပ်ခြင်း နှင့်
သုတဓမ္မ Project Paper စာတမ်း
(၄) Part 1 ကို ပထမ ၆-လ၊ Part 2 ကို ဒုတိယ ၆-လ၊
Part 3 ကို တတိယ ၆-လ တို့တွင် အသီးသီး ဖြေဆိုရမည်။
သုတဓမ္မ Project Paper စာတမ်း (A4 size paper
စာမျက်နှာ ၂ မျက်နှာ မှ ၃ မျက်နှာအထိ)ကို Part 3
စာမေးပွဲ မဖြေဆိုမှီ တင်သွင်းရမည်ဖြစ်ပြီး
စာတမ်းသည် အောင်မှတ်ပေးရာတွင် ပါဝင်မည်။
(၅) သတ်မှတ်ပြဌာန်းချက်အတိုင်း Part-1, 2, 3 တစ်ခု
အောင်ပြီးမှသာ နောက်တစ်ခု ဖြေရမည်။
(၆) မအောင်ပါက ထပ်မံဖြေဆိုနိုင်သည်။
(၇) ပြည့်စုံစွာ ဆောင်ရွက်ပြီးသော Candidate
များအား သုတဓမ္မဂဝေသီ BA ဘွဲ့ကို အပ်နှင်းမည်။
သဘာပတိဆရာတော်
ပညာဘူမိတက္ကသိုလ်
နှစ်ဆန်း(၁)ရက် ၂၀၂၄ ခုနှစ်။
*************
ပညာဘူမိတက္ကသိုလ် BA Part 1 မှ 3 အထိ ပြဌာန်း
ထားရှိသည့် ပြဌာန်း ကျမ်းစာများအကြောင်း
🌟
ပညာဘူမိတက္ကသိုလ် BA Part 1 မှ 3 အထိ ပြဌာန်း
ထားရှိသည့် ပြဌာန်း ကျမ်းစာများ၏ အရေးကြီးပုံ
ဖတ်ရှု လေ့လာကြတဲ့ ပုဂ္ဂိုလ်တွေမှာ
ဉာဏ်ရည်ဉာဏ်သွေးတွေ
တိုးတက်ဖြစ်ပေါ်လာနိုင်ကြောင်းနှင့်
လေ့လာသင်ယူစရာကောင်းသည့် ကျမ်းစာများ
ဖြစ်သည့်အားလျော်စွာ တက္ကသိုလ်သဘာပတိဆရာတော်ကြီး
ကိုယ်တော်တိုင် တရားတော်များကို အပိုင်းများ
အချိန်တစ်ခုအထိ အသုံးပြု ခွဲခြား၍ လူအများ
အလွယ်တကူနားလည်နိုင်သည့် အထိ အရှင်းလင်းဆုံး
ဟောကြားထားရှိသည့်ကျမ်းစာများဖြစ်သည်။
🌟မိလိန္ဒပဥှာကျမ်းဟာ မှတ်သားဖွယ်ရာ
အချက်အလက်တွေနဲ့ ပြည့်နှက်ပြီး မေးခွန်းနဲ့
အဖြေတွေကို ဖော်ပြတာဖြစ်သောကြောင့် ဖတ်ရှု
လေ့လာကြတဲ့ ပုဂ္ဂိုလ်တွေမှာ ဉာဏ်ရည်ဉာဏ်သွေးတွေ
တိုးတက်ဖြစ်ပေါ်လာနိုင်တယ်။ ပြောရမယ်ဆိုရင်
ဒီကနေ့ခေတ် debate လုပ်တယ်ဆိုတဲ့
စကားရည်လုပွဲမျိုး မိလိန္ဒမင်းနဲ့ ရှင်နာဂသေနတို့
ပြုလုပ်ခဲ့ကြသည့် Part (1) “မိလိန္ဒပဉှာ”
“နိဗ္ဗာန်လမ်းပြတရား” ဖြစ်သည့် ပါရာယန ကျမ်းစာသည်
အရေးကြီးကျမ်းစာတစ်ခုဖြစ်ပြီးပုဂ္ဂိုလ် ၁၆ ဦး ရဲ့
မေးခွန်းပုစ္ဆာတွေ ဗုဒ္ဓမြတ်စွာရဲ့
ဖြေကြားချက်တွေကို စုပြီးဖေါ်ပြထားသည့် ပါရာယနဝဂ္ဂ
ဖြစ်ပြီး ဂါထာပေါင်း ၁၇၄ ဂါထာ အထိပါဝင်ပြီး
အဘိဓမ္မာလေ့လာမှုအားကောင်းသည့်
ဗုဒ္ဓဘာသာမြန်မာလူမျိုးများအတွက်ကိုလည်း
ထပ်မံလေ့လာစရာကောင်းလှသည့် ကျမ်းစာများဖြစ်သည့်
အပြင် ဗုဒ္ဓဘာသာ မြန်မာလူမျိုးတိုင်း အတွက်
လွန်စွာ အကျိုးရှိလှသည့် သုတ္တနိပါတော်လာ
ကျမ်းစာများဖြစ်သည့် Part (2) “ပါရာယနဒေသနာ”
🌟 ဗောဓိပက္ခိယတရား (၃၇) ပါး
တရားဒေသနာသည်လည်းအလွန် အရေးကြီးတဲ့ တရား
တော်တွေဖြစ်တယ်၊ သာသနာဆိုတာ မြတ်စွာဘုရားရဲ့
အဆုံးအမကိုခေါ်တယ်၊ ဘုရားအဆုံးအမ သာသနာဆိုတာ
ဗောဓိပက္ခိယ တရား (၃၇)ပါးကို ပြောတာဖြစ်တယ်ဟု
မိန့်တော်မူသည့်
တရားဒေသနာလည်းဖြစ်သည်။ဗောဓိပက္ခိယတရား (၃၇) ပါးထဲက
တမျိုးမျိုးမှ မိမိတို့သန္တာန်မှာမတည်ဘူးဆိုရင်
သာသနာတည်တယ်လို့မဆိုနိုင်ဘူး….
ဟုမိန့်ကြားထားသည့် ကျမ်းစာများဖြစ်သည့် Part (3)
ဗောဓိပက္ခိယတရား ကိုလေ့လာသုံးသပ်ခြင်း
Part (1) “မိလိန္ဒပဉှာ” မိလိန္ဒမင်းနှင့်
ရှင်နာဂသေနတို့၏ ဗုဒ္ဓဝါဒရေးရာ
အချေအတင်ပြောဆိုချက်များ
🌿🌿🌿
ပါမောက္ခချုပ်ဆရာတော် ဘုရား ဟောကြားထားရှိသည့်
“မိလိန္ဒပဉှာ” မိလိန္ဒမင်းနှင့် ရှင်နာဂသေနတို့၏
ဗုဒ္ဓဝါဒရေးရာ အချေအတင်ပြောဆိုချက်များ အပိုင်း
(၂၇) ပိုင်း စာမျက်နှာ (၅၀၃) မျက်နှာပါဝင်သည့်
အမှတ်စဉ် (၁၈၄) ပါရှိသည့်ကျမ်းစာဖြစ်သည်။
မိလိန္ဒပဥှာကျမ်းဟာ မှတ်သားဖွယ်ရာ အချက်အလက်တွေနဲ့
ပြည့်နှက်ပြီး မေးခွန်းနဲ့ အဖြေတွေကို
ဖော်ပြတာဖြစ်သောကြောင့် ဖတ်ရှု လေ့လာကြတဲ့
ပုဂ္ဂိုလ်တွေမှာ ဉာဏ်ရည်ဉာဏ်သွေးတွေ
တိုးတက်ဖြစ်ပေါ်လာနိုင်တယ်။ ပြောရမယ်ဆိုရင်
ဒီကနေ့ခေတ် debate လုပ်တယ်ဆိုတဲ့
စကားရည်လုပွဲမျိုး မိလိန္ဒမင်းနဲ့ ရှင်နာဂသေနတို့
ပြုလုပ်ခဲ့ကြတယ်။
“အချေအတင်”ဆိုသည်မှာ တစ်ဖက်က အပြစ်တင်လိုက် တာကို
တစ်ဖက်က ချေပပြောဆိုခြင်း ဖြစ်တယ်။ တစ်ဖက်က
အပြစ်တင်တယ်၊ ထောက်ပြတယ်။ ဒီလို မဖြစ်သင့်ဘူးလား၊
ဘာကြောင့် ဒီလိုဆိုရတာလဲ ဆိုတဲ့ စောဒကတက်တာကို
“အတင်”လို့ ခေါ်တယ်။ အဲဒီ ပြစ်တင်ပြောဆိုတဲ့
အချက်တွေကို တစ်ဖက်က အကြောင်းအကျိုးပြပြီး
ပြန်လည်ချေပတာ၊ ဒီ “အတင်” ဆိုတဲ့စကားနဲ့ “ချေပတယ်”
ဆိုတဲ့ စကားနှစ်ရပ်ကို ပေါင်းစပ်ပြီး အချေအတင်လို့
သုံးတာ။
မိလိန္ဒမင်းနဲ့ ရှင်နာဂသေနတို့ရဲ့ ခေတ် ဟာ
မြတ်စွာဘုရား ပရိနိဗ္ဗာန်စံပြီး နှစ်ပေါင်း (၅၀၀)
အလွန်မှာ ဖြစ်တယ်လို့ ဒီလိုမှတ်ရမယ်။ ဒီကနေ့
သာသနာတော်နှစ်ဟာ (၂၅၆၀) ပြည့် ဖြစ်သွားပြီ။
သာသနာတော်နှစ် ၅ဝဝ-ကျော်လောက်က ပေါ်ခဲ့တယ် ဆိုရင်
ရှင်မဟာဗုဒ္ဓဃောသ ပေါ်လာတာထက် နှစ်(၅၀၀)
စောတယ်လို့ ဆိုနိုင်တယ်။ ရှင်မဟာဗုဒ္ဓဃောသက
သာသနာနှစ် (၁ဝဝဝ)မှ ပေါ်တာ ဖြစ်တယ်။
မိလိန္ဒမင်းကြီးဟာ မြတ်စွာဘုရား ပရိနိဗ္ဗာန်စံပြီး
နှစ်ပေါင်း (၅၀၀)ကျော်မှာ ယောနကတိုင်း၊
သာဂလမြို့မှာ ထီးနန်းစိုးစံပြီး နေတယ်။ ယောနကမြို့
ဆိုတာ ဒီကနေ့ခေတ် ဗုဒ္ဓသာသနိက ပထဝီဝင်ကျမ်းနဲ့
တစ်ခြားကျမ်းတွေမှာ အမျိုးမျိုး ဖော်ပြကြတယ်။
သို့သော် အားလုံးလက်ခံ နိုင်တဲ့ ဖော်ပြချက်ကတော့
ယောနက ဆိုတာ တူရကီနိုင်ငံထဲမှာ ရှိတယ်လို့
ဒီလိုဆိုတယ်။ တူရကီနိုင်ငံ တည်ရှိရာဒေသကို
ရှေးတုန်းက ယောနကလို့ ခေါ်တယ်။ မိလိန္ဒမင်းကြီးဟာ
ယောနကတိုင်းနဲ့ မိုင်ပေါင်း ၁ဝဝဝ- ကျော်ဝေးတဲ့
ဂရိနိုင်ငံ Alexander ကျွန်းကလသိ ဆိုတဲ့ရွာမှာ
မွေးဖွားခဲ့သူ ဖြစ်တယ်လို့ ဒီလိုဆိုတယ် ဟု
ဆရာတော်ဘုရား ဟောကြားထားရှိသည်။
🌿🌿🌿🌿
Part (2) “ပါရာယနဒေသနာ”
ပါမောက္ခချုပ်ဆရာတော် ဘုရား ဒေါက်တာ
အရှင်နန္ဒမာလာဘိဝံသ ဟောကြားထားရှိသည့်
“နိဗ္ဗာန်လမ်းပြတရား” “ပါရာယနဒေသနာ” အမှတ်စဉ်
(၁၃၃) အဖြစ် စာအုပ်ထွက်ရှိသည်။ ယခုစာအုပ်တွင်
အပိုင်း (၉) ပိုင်း စာမျက်နှာ ၃၃၉ မျက််နှာ
ပါရှိသည့်ကျမ်းစာဖြစ်သည်။
ယခင်ထွက်ရှိပြီး ပါရာယန ဒေသနာ ကို ဆရာတော်ဘုရား
ကိုယ်တော်တိုင် ထပ်မံ ပြုစု တည်းဖြတ်ထားသည့်
တရားဒေသနာလည်းဖြစ်သည့် အပြင် ပညာဘူမိတက္ကသိုလ် B.A
တန်း အတွက်ပြဌာန်းထားရှိသည့်
ပြဌာန်းစာအုပ်လည်းဖြစ်သည်။
အဘိဓမ္မာလေ့လာမှုအားကောင်းသည့်
ဗုဒ္ဓဘာသာမြန်မာလူမျိုးများအတွက်ကိုလည်း
ထပ်မံလေ့လာစရာကောင်းလှသည့် ကျမ်းစာများဖြစ်သည့်
အပြင် ဗုဒ္ဓဘာသာ မြန်မာလူမျိုးတိုင်း အတွက်
လွန်စွာ အကျိုးရှိလှသည့် သုတ္တနိပါတော်လာ
နောက်ဆုံး Chapter တစ်ခု ဖြစ်သည်။
ပုဂ္ဂိုလ် ၁၆ ဦး ရဲ့ မေးခွန်းပုစ္ဆာတွေ
ဗုဒ္ဓမြတ်စွာရဲ့ ဖြေကြားချက်တွေကို
စုပြီးဖေါ်ပြထားသည့် ပါရာယနဝဂ္ဂ ဖြစ်ပြီး
ဂါထာပေါင်း ၁၇၄ ဂါထာ အထိပါဝင်သည်။
မေးခွန်း နံပါတ် (၁) အနေဖြင့် လောကကြီးက်ိုဘာက
ပိတ်ဆို့ထားတာလဲ? လူတွေ အသိဉာဏ် မရအောင် ဘာတွေက
ပိတ်ဆို့ထားတာလဲ
နံပါတ် ၂-အမေး လောကလူတွေ အရောင်မတောက်တာ
ဘာကြောင့်လဲ? လူတွေဟာ လူ့ဘဝရောက်လာပြီးတော့
ဂုဏ်သတင်းကျော်ကြားတဲ့ပုဂ္ဂိုလ်နဲ့
မကျော်ကြားတဲ့ပုဂ္ဂိုလ် ကောင်းသတင်းကြွယ်တဲ့
ပုဂ္ဂိုလ် နဲ့ ကောင်းသတင်း မကြွယ်တဲ့ပုဂ္ဂိုလ်
ဘယ်သူက များသလဲဆိုရင် မကြွယ်တဲ့ပုဂ္ဂိုလ်ကများတယ်၊
မထင်မရှား ဘဲ ဘဝတစ်ခုကို အဆုံးသတ်သွားကြတာ
ဘာ့ကြောင့်လဲ?
အစရှိသည့်မေးခွန်းများ အပါအဝင်
မေးခွန်းပေါင်းများစွာ ကို ဗုဒ္ဓမြတ်စွာ
ဖြေဆိုထားရှိသည့် ပုစ္ဆာများ ကို
ဆရာတော်ဘုရားကြီးမှ ဟောကြားထားရှိသည့် ပါရာယန
ဒေသနာ တော်ဖြစ်သည်။
🌿🌿🌿
Part (3) ဗောဓိပက္ခိယတရား ကိုလေ့လာသုံးသပ်ခြင်း
ပါမောက္ခချုပ်ဆရာတော်ဘုရား ဟောကြားထားရှိသည့်
ဗောဓိပက္ခိယတရား ကိုလေ့လာသုံးသပ်ခြင်း
တရားဒေသနာတော် အပိုင်း (၁၅) ပိုင်း၊ စာမျက်နှာ
(၃၃၆)မျက်နှာပါရှိသည့် အမှတ်စဉ် (၁၈၃)
အုပ်မြောက်စာအုပ်အဖြစ်ထွက်ရှိထားသည်ကျမ်းစာတစ်စောင်ဖြစ်သည်။
၂၀၁၁ ခုနှစ်မှစ၍ ပါမောက္ခချုပ်ဆရာတော်ဘုရား
ဟောကြားထားရှိသည့် တရားဒေသနာများဖြစ်ပြီး အလွန်
အရေးကြီးတဲ့ တရား တော်တွေဖြစ်တယ်၊ သာသနာဆိုတာ
မြတ်စွာဘုရားရဲ့ အဆုံးအမကိုခေါ်တယ်၊ ဘုရားအဆုံးအမ
သာသနာဆိုတာ ဗောဓိပက္ခိယ တရား (၃၇)ပါးကို
ပြောတာဖြစ်တယ်ဟု မိန့်တော်မူသည့်
တရားဒေသနာလည်းဖြစ်သည်။
ဗောဓိပက္ခိယတရား (၃၇) ပါးထဲက တမျိုးမျိုးမှ
မိမိတို့သန္တာန်မှာမတည်ဘူးဆိုရင်
သာသနာတည်တယ်လို့မဆိုနိုင်ဘူး….ဒါကြောင့်
ဒီတရားတွေကို
သိအောင်လည်းလုပ်ရမယ်…နှလုံးသားထဲရောက်အောင်လည်းကျင့်ကြံကြရမှာဖြစ်တယ်ဟု
ဆရာတော်ဘုရား ဩဝါဒ အနေဖြင့်ပါရှိသည်။
အနုဂ္ဂဟအဖွဲ့
ပညာဘူမိတက်ကသိုလျ
၂/၁/၂၀၂၄
**************************************************
ပညာဘူမိတက္ကသိုလ် သုတဓမ္မဒီပလိုမာ
**************************************************
ပညာဘူမိတက္ကသိုလ် သုတဓမ္မဒီပလိုမာ နှင့်
သုတဓမ္မဂဝေသီ (BA
)ဘွဲ့ကိုကျောင်းတက်စရာမလိုဘဲစာမေးပွဲဖြေဆိုအောင်မြင်ခြင်းဖြင့်ရယူနိုင်ပြီ။
🔹🔹🔹🔹🔹
(၁) ၂၀၂၂-၂၀၂၃ ပညာသင်နှစ်အတွက်၂၀၂၂-ဇွန်လ ၆- ရက်
တနင်္လာနေ့ကစ၍ ပညာဘူမိတက္ကသိုလ်
စတင်ဖွင့်လှစ်ထားရှိသည်။
(၂)ပညာဘူမိတက္ကသိုလ်က ပြဌာန်းထားသော Level
(၁၊၂၊၃)စာအုပ်များကိုကိုယ်တိုင်လေ့လာသင်ယူပြီး
၆- လ
တစ်ကြိမ်ကျင်းပမည့်စာမေးပွဲများမပျက်မကွက်ဖြေဆို၍
သုတဓမ္မဒီပလိုမာရယူပါ။
(၄) ကိုယ်တိုင်လေ့လာပြီး
ကိုယ်တိုင်သိအောင်ကြိုးစားပါ။
(၅) ကိုယ်တိုင်ကြိုးစားခြင်း၏အရသာကိုသိပါလိမ့်မည်။
(၆) အတ္တနာဝ ဇာနေယျာထ (သိအောင်ကိုယ်တိုင်လုပ်ပါ)
(မြတ်ဗုဒ္ဓ)
ပညာဘူမိတက်ကသိုလျ
မှတ်ချက်။ သုတဓမ္မဒီပလိုမာ Level (၁) အတွက်
ပြဌာန်းစာအုပ်များ ကို တက္ကသိုလ်မှထုတ်ဝေနိုင်ရန်
စီစဉ်လျှက်ရှိသည်။ ပုံနှိပ်ရန်
ဆောင်ရွက်နေသည့်ကာလအတွင်း အောက်ဖေါ်ပြပါ
အင်တာနက်စာမျက်နှာမှတဆင့် e-book များကို
ဖတ်ရှူလေ့လာနိုင်သည်။
တက္ကသိုလ် အနုဂ္ဂဟ ဌာန
**************************************************
၂၀၂၂-၂၀၂၃ ခုနှစ် သုတဓမ္မဒီပလိုမာ (Diploma in
Sutadhamma)အစီအစဥ်အတွက်
ဘာသာရပ်ဆိုင်ရာ level အလိုက် ပြဌာန်းစာအုပ်များ
**************************************************
|
Level (2) အတွက် စာအုပ် စာရင်း (Self
Study)
သုတဓမ္မဒီပလိုမာ Level (2) အတွက်ပြဋ္ဌာန်းစာအုပ်
၁။ ဓမ္မအသိဖြင့် အကျိူးရှိရှိ နေမည် ၂။ စိတ်၏ အတွေးများ ၃။ ဥပုသ်စောင့်ခြင်း အဓိပ္ပါယ် ၄။ ခန္ဓာသုတ် အနှစ်ချုပ်
|
|||
| စဉ် | ဆရာတော်ကြီး အသံ Mp3 နှင့် ဗီဒီယို MP4 |
ဓမ္မဗျူဟာဆရာမကြီးဒေါ်ခင်လှတင်၏ ရှင်းလင်းမှုသင်တန်း ဗီဒီယိုများ |
ဓမ္မဗျူဟာဆရာမကြီးဒေါ်ခင်လှတင်၏ ရှင်းလင်းမှုသင်တန်း မှတ်စုများ
|
| ၁။ | ဆရာတော်ကြီး အသံ (mp3) |
 ဓမ္မအသိဖြင့် အကျိူးရှိရှိ နေမည် Revision သင်တန်းများ (ဆရာမကြီးမှတ်စုဖြင့်သင်ပါသည်)
|
 ဆရာမကြီးဓမ္မဗျူဟာဒေါ်ခင်လှတင် မှတ်စု Level 2 ဓမ္မအသိဖြင့်အကျိုးရှိရှိနေမည်။ |
| ၂။ | ဆရာတော်ကြီး အသံ (mp3) |
 စိတ်၏ အတွေးများ Revision သင်တန်းများ (ဆရာမကြီးမှတ်စုဖြင့်သင်ပါသည်)
|
 |
| ၃။ | ဆရာတော်ကြီး အသံ (mp3) |
 ဥပုသ်စောင့်ခြင်း အဓိပ္ပါယ် Revision သင်တန်းများ (ဆရာမကြီးမှတ်စုဖြင့်သင်ပါသည်)
|
 ဆရာမကြီးဓမ္မဗျူဟာဒေါ်ခင်လှတင် မှတ်စု Level 2 ဥပုသ်စောင့်ခြင်းအဓိပ္ပါယ် |
| ၄။ |
ဆရာတော်ကြီး အသံ (mp3)
ခန္ဓာသုတ် အနှစ်ချုပ်
(အန္တရာယ်ကာကွယ်ခြင်းအကြောင်း)
ဆရာတော်ကြီး ဗီဒီယို(mp4) |
 ခန္ဓာသုတ် အနှစ်ချုပ် Revision သင်တန်းများ (ဆရာမကြီးမှတ်စုဖြင့်သင်ပါသည်)
|
 ဆရာမကြီးဓမ္မဗျူဟာဒေါ်ခင်လှတင် မှတ်စု Level 2 ခန္ဓာသုတ် အနှစ်ချုပ်
|
| ၅။ |
ဆရာတော်ကြီး အသံ (mp3)
|
 လူတိုင်းကျင့်ရန် သတိပဋ္ဌာန်
၂၇-၄-၂၀၂၃ သင်တန်းအမှတ်စဉ် (၁) Revision သင်တန်းများ (ဆရာမကြီးမှတ်စုဖြင့်သင်ပါသည်)
|
 ဆရာမကြီးဓမ္မဗျူဟာဒေါ်ခင်လှတင် မှတ်စု Level 2 လူတိုင်းကျင့်ရန် သတိပဋ္ဌာန်
|
ပညာဘူမိတက္ကသိုလ် သုတဓမ္မဒီပလိုမာ အတွက်
အမေးများသော မေးခွန်းများ ဖြေကြားခြင်း
မေး🔶အသက် ကန့်သက်ချက်ရှိပါသလား? ရဟန်းသံဃာများ
တက်ရောက်လို့ရပါသလား?
လူပုဂ္ဂိုလ်များတက်ရောက်လို့ရပါသလား?
ဖြေ🔹အသက်ကန့်သတ်ချက်မရှိ ပါ။
မည်သူမဆိုတက်ရောက်နိုင်ပါသည်။
မေး🔶ဝင်ခွင့် လျှောက်လွှာတင်ချင်ပါတယ်၊
ဘယ်လိုတင်ရမလဲ ဘယ်တော့တင်ရမလဲ?
ဖြေ🔹သင်တန်း/စာမေးပွဲ လျှောက်လွှာတင်ရန်
ထပ်မံကြေငြာမည်။ စာမေးပွဲဝင်ခွင့် လျှောက်လွှာ ကို
Online မှသော်လည်းကောင်း၊ ရန်ကုန် မန္တလေး
စစ်ကိုင်း နေပြည်တော် မြို့များ တွင်ရယူနိုင်ရန်
စီစဉ်ပါမည်။
မေး🔶 စာအုပ် များ ဝယ်ချင်ပါတယ် ဘယ်မှာဝယ်ရပါမလဲ
ဖြေ🔹 ပါမောက္ခချုပ်ဆရာတော်ဘုရား ၏ တရားစာအုပ်များ
ဓမ္မဒါနပြုလုပ်သည့် စာပေးဖြန့်ချီရေး များတွင်
ရယူနိုင်သည်။ တရားစာအုပ်လေးများ၏ နောက်ကျောတွင်
ပုံနှိပ်တိုက် ဖြန့်ချီရေး နေရာများပါရှိသည်။
မေး🔶 စာမေးပွဲက ဘယ်လ လောက်ဖြေရမှာပါလဲ ?
ဖြေ🔹 ၆-၆-၂၀၂၂ မှ တက္ကသိုလ်စတင်နေပြီ
ဖြစ်တာကြောင့် ဒီဇင်ဘာ လ လောက်တွင် Level 1
ဖြေဆိုရမည်။
မေး🔶 စာမေးပွဲဖြေခါနီးကျမှ
လျှောက်လွှာတင်ရမှာလားအခုကအရင်လေ့လာထားနှင့်အဲ့လိုပါလား?
ဖြေ🔹မှန်ပါသည်။ လျှောက်လွှာစတင်လက်ခံပါက
ထပ်မံအကြောင်းကြားပါမည်။
မေး🔶
မေးခွန်းပုံစံနမူနာလေးတစ်ခုလောက်သိရရင်ကောင်းမှာပဲ?
ဖြေ🔹စာမေးပွဲတွင်
နားလည်သဘောပေါက်မှုကိုစစ်မေးခြင်း comprehension
test နှင့် မှတ်မိရန်စစ်မေးခြင်း memorization
test (၂)မျိုးစလုံးစစ်ဆေးခြင်းကို
အောင်မြင်ရန်လိုအပ်ပါသည်။
မေး🔶 ဒီ diploma in sutadhamma ကို
ပြည်ပမှာနေထိုင်သူများရော တက်လို့ရပါလား
ဖြေ🔹 self study စနစ် ဖြစ်ပါသည်။ စာမေးပွဲသည်
Paper Based Test ဖြစ်ပါသည်။ သတ်မှတ် ထားသည့် Exam
Centre များတွင်လာရောက်ဖြေဆိုရပါမည်။
မေး 🔶လျှောက် လွှာတင်ရမည့် နောက် ဆုံးရက်ကို
သိခြင်ပါသည်။
ဖြေ 🔹လေ့လာစရာများကို လေ့လာထားပါရန်။ စာမေးပွဲ
form တင်ရန် ထပ်မံကြေငြာပါမည်။
မေး 🔶ဖုန်း ကနေ download ဆွဲပြီး
ဖုန်းနဲ့စာမဖတ်တတ်ဘူး စာအုပ်ရချင်ပါတယ်။
ဖြေ 🔹ပါမောက္ခချုပ်ဆရာတော်ဘုရား ၏ တရားစာအုပ်များ
ဓမ္မဒါနပြုလုပ်သည့် စာပေးဖြန့်ချီရေး များတွင်
ရယူနိုင်သည်။ တရားစာအုပ်လေးများ၏ နောက်ကျောတွင်
ပုံနှိပ်တိုက် ဖြန့်ချီရေး နေရာများပါရှိသည်။
တက္ကသိုလ်မှလည်း
စာအုပ်များပုံများပုံနှိပ်လျှက်ရှိပါသည်။
မေး🔶 ဒီပလိုမာနှင့်BAနှစ်ခုလုံးဖြေလို့ရလား
ဖြေ 🔹diploma level (၁) မှ စဖြေဆိုရပါမည်။
မေး 🔶စာမေးပွဲကို လူကိုယ်တိုင် လာဖြေရမှာပါလား
ဖြေ 🔹စာမေးပွဲသည် Paper Based Test ဖြစ်ပါသည်။
သတ်မှတ် ထားသည့် Exam Centre
များတွင်လာရောက်ဖြေဆိုရပါမည်။
မေး 🔶စာအုပ်တွေဘယ်မှာရမလဲ ပို့
ချသင်ကြားပေးမှုရှိပါသလားအသေးစိတ်တင်ပြပေးပါ
ဖြေ 🔹တက္ကသိုလ်မှ စာအုပ်များ ထပ်မံထွက်ရှိရန်
ပုံနှိပ် ခြင်းကိစ္စဆောင်ရွက်နေပါသည်။
ကိုယ်တိုင်လေ့လာ ရမည့် (self study)
အစီအစဉ်ဖြစ်ပါသည်။ level အလိုက် စာမေးပွဲ
လာရောက်ဖြေဆိုရန် လိုအပ်ပါမည်။
မေး🔶သင်တန်းတက်ရောက်ရန် လိုအပ်သော
အခြေခံသတ်မှတ်ချက်များရှိပါသလား
ဖြေ 🔹မရှိပါ။
မေး🔶စာဖြေရင် ဘယ် language ဖြင့် ဖြေဆိုရပါမလဲ
ဖြေ 🔹မြန်မာစာဖြင့်ဖြေဆိုရပါမည်။
မေး🔶ဓမ္မဝိနယစင်တာမှာဖြေရမှာပါလားဘုရား level
တစ်ခုကိုဘယ်နှစ်ရက်ဖြေရမှာပါလဲ
ဖြေ 🔹စာမေးပွဲ ကို Paper Based Test
ဖြင့်သာစစ်မေးပါမည်။ သတ်မှတ်ထားသော Test Centre
များတွင်ဖြေဆိုရပါမည်။ ပညာဘူမိတက္ကသိုလ်နှင့်
အခြား သတ်မှတ်ထားသော စာဖြေဌာန နေရာများတွင်
ဖြေဆိုရပါမည်။
သုတဓမ္မဒီပလိုမာ Level 1 အတွက် ပြဋ္ဌာန်းစာအုပ်
ဆရာမကြီးဓမ္မဗျူဟာဒေါ်ခင်လှတင် မှတ်စု 
