Mandalay Yankintaung Laykyun Man Aung Sayadaw Bhaddanta Withuta video

မန္တလေး၊ ရန်ကင်းတောင် လေးကျွန်းမာရ်အောင် သာမဏေကျော် စာသင်တိုက်၊

ပဓာနာယက ဆရာတော် ဘဒ္ဒန္တဝိသုတ

သာသန ဓဇဓမ္မာစရိယ၊ ဝိနယ ဝိဒူ၊ ဒီဃနိကာယဝိဒူ၊ ယမိုက်ပဋ္ဌာန်း အထူးသင်တန်းနည်းပြ

၀၉-၄၃၁၉၇၁၇၆

~~~~~~~~~~
ဆရာတော်၏ ထေရုပတ္တိအကျဉ်းချုပ်၊
~~~~~~~~~~
မန္တလေး ရန်ကင်းတောင် လေးကျွန်မာန်အောင် သာမဏေကျော်၊ စာသင်တိုက်၊ မဓာန နာယက၊ ယမိုက်ပဋ္ဌာန်း အထူးသင်တန်း နည်းပြ၊ ဆရာတော် ဘဒ္ဒန္တဝိသုတ ၏ ထေရုပတ္တိအကျဉ်းချုပ်၊

မွေးရပ်ချက်ကြွေ ဇာတိမြေ

ဆရာတော် ဘဒ္ဒန္တဝိသုတသည် စစ်ကိုင်းတိုင်းဒေသကြီး ယင်းမာပင်ခရိုင် ပုလဲမြို့နယ်၊ သင်တီးကန်ရွာ၊ ဖခမည်းတော် ဦးပွ + မယ်တော် ဒေါ်ပဲတို့မှ ၁၃၂၅ ခုနှစ် တပို့တွဲလဆန်း (၉)ရက်၊ ဗုဒ္ဓဟူးနေ့တွင် မီးရှုးသန့်စင် ဖွားမြင်တော်မူပါသည်။ မွေးချင်း ၆ ယောက် ရှိသည့်အနက် ဒုတိယမြောက် သားရတနာဖြစ်ပါသည်။ နောင်တော် အကြီးဆုံးမှာ စာရေးဆရာအသောက (မုံရွာ) ဖြစ်ပြီး ညီငယ်မှာ အရှင်စန္ဒောလောက (သာသနဓဇ ဓမမာစရိယ၊ သာသနတက္ကသီလဓမ္မာစရိယ (ဘီအေ) ပရိယတတသာသနပါလ ဓမ္မာစရိယ၊ မိုးကုတ်ဝိပဿနာနယ်လှည်ဓမ္မကထိက၊ လေးကျွန်းမာန်အောင် သာမဏေကျော် စာသင်တိုက် စာချကထိက တိုက်အုပ် နာယကဆရာတော် ဖြစ်သည်။ ကျန် (၃) ယောက်မှာ မတင်မြင့်၊ ကိုမြင့်ဟန်၊ ကိုမြင့်ရွှေတို့ ဖြစ်ကြပါသည်။

ရှင်သာမဏေပြုခြင်း

ကျောင်းနေချိန် အသက် (၈) နှစ်သား အရွယ်အရောက်တွင် ပုလဲမြို့နယ် မု့ကြိုင်းရွာ တောရကျောင်း ဆရာတော် ဦးဇဝနထံတော်မှာ မြန်မာသင်ပုန်းကြီးနှင့် ပါဠိမြန်မာ အခြေခံဖတ်စာ၊ ပရိတ်ကြီး (၁၁)သုတ်၊ ဂဏန်းသင်္ချာ၊ ဗေဒင်လက္ခဏာ ပညာရပ်များကို သင်ယူပြီး အသက်(၁၂)နှစ် အရွယ် အရောက် ကောဇာသက္ကရာဇ် ၁၃၃၆-ခုနှစ်၊ သီကျွတ်လတွင် မုံကြိုင်းတောရကျောင်းဆရာတော်ထံ၌ ဘကြီးဦးထွန်းတင် အမေကြီး ဒေါ်ဖွားယူ မိသားစုတို့၏ ပစ္စယာနုဂ္ဂဟဖြင့် ရှင်သာမဏေဝတ်ကာ သာသနာ့ဘောင်သို့ ဝင်ရောက်ခဲ့ပါသည်။

ရဟန်းခံ မင်္ဂလာ

၁၃၄၅ ခုနှစ်၊ ကဆုန်လပြည့်နေ့တွင် မုံရွာမြို့၊ မဟာဇောတိကရာမ ပါဠိတက္ကသိုလ် ကျောင်းတိုက် သာသနာ့သောဘိနီသိမ်တော်အတွင်းမှာ တိုက်အုပ်ဆရာတော် ဘဒ္ဒန္တကဝိန္ဒကို ဥပဇ္ဈယ်ပြုလျှက်၊ မုံရွာမြို့ အလယ်ရပ်၊ မာဃလမ်းနေ ရဟန်းဒါယကာ ဦးအောင်ညွန့် + ရဟန်းဒါယိကာမ ဒေါ်လင်းကြည် (သား) မောင်ဝင်းထါန်း၊ မောင်နေဝင်အောင်၊ မောင်မင်းမင်အောင် မိသားစုတိုက၏ ပစ္စယာနဂ္ဂဟဖြင့် ရဟန်းအဖြစ် ရောက်ရှိတော်မူခဲ့ပါသည်။
ထို့နောက် မစိုးရိမ်ဂန္တဆရာတော်၏ ပဋ္ဌာန်းခွေများကို အစမှ အဆုံးထိ (၃)ကြိမ်တိုင်တိုင်သင်ယူခဲ့သည်။ အင်းစိန်ဆရာတော်၏ ပဋ္ဌာန်းခွေ (၅၀) ကို အစမှ အဆုံးထိ (၂၂)ကြိမ် နားထောင်ခဲ့သည်။ လယ်တီဆရာတော်၏ ပဋ္ဌာနုဒ္ဒေသဒီပနီကျမ်းကို အကြိမ်များစွာ လေ့လာခဲ့သည်။ ဆဋ္ဌသင်္ဂါယနာဥက္ကဋ္ဌ မစိုးရိမ်ဆရာတော်၏ ပဋ္ဌာနသင်္ခေပနယုပဒေသကျမ်းကိုလည်း ဆရာဖြစ်သည်အထိ သင်ယူခဲ့သည်။ ယ္ခုခေတ်၌ ထွက်ပေါ်လာသော ပဋ္ဌာန်းမှတ်တမ်းစာအုပ်များကိုလည်း အားလုံးလိုလိုပင် မလွတ်ရအောင် ကြည့်ရှု့ခဲ့သည်။

စာချ သာသနာပြုခြင်း

၁၃၄၈ ခုနှစ်မှ စ၍ ၁၃၆၈ ခုနှစ်အထိ (၂၁) နှစ်ကြာ မုံရွာမြို့၊ မဟာဇောတိကာရာမပါဠိတက္ကသိုလ်ရှိ စာသင်သားသံဃာတော်(၁၅၀၀)ကျော်တို့အား အခြေခံအတန်းများနှင့် ငယ်၊ လတ်၊ ကြီး ဓမ္မာစရိယ အတန်းများနှင့် သာမဏေကျော် စာဝါများကို ပို့ချပေးတော်မူခဲ့ပါသည်။
၁၃၆၉ - ခုနှစ်၊ ပထမဝါဆိုလ္ဆန်း(၁)ရက်နေ့တွင် ရန်ကုန်မြို့၊ အင်းစိန်ရွာမ ပရိယတ္တိစာသင်တိုက် ဆရာတော် အရှင်တိလောကာဘိဝံသမှ ယမိုက်ပဋ္ဌာန်း မမွေခံ တပည့်အနေအားဖြင့် ချီးမြှင့်အပ်သော မန္တလေး၊ ရန်ကင်းတောင်၊ လေကျွန်းမာန်အောင် ကျောင်းတိုက် သာမဏေကျော် စာသင်တိုက်အဖြစ် တည်ထောင်ပြီး သာမဏေကျော် စာဝါများကို ပို့ချ သင်ကြားပေးလျှက် ရှိပါသည်။
ထို့အပြင် ၁၃၆၉ ခုနှစ်စ၍ မန္တလေး ရန်ကင်းတောင် ပထမကျော်၊ အဂ္ဂမဟာအကျော်၊ မဟာဂန္တဝါစက ပဏ္ဍိတဘွဲ့ရ ဆရာကြီး ဒေါ်ခေမာစရီ တည်ထောင်သော ချမ်းမြေ့သီစာသင်တိုက်၌ ယမိုက်ကျမ်းနှင့် ပဋ္ဌာန်းကျမ်း တို့ကိုလည်းကောင်း၊ ဓမ္မာစရိယစာချတန်းအတွက် အဋ္ဌသာလိနီစာဝါကိုလည်းကောင်း၊ နေ့စဉ် ပို့ချပေးလျှက်ရှိပြီး နှစ်စဉ်နွေရာသီရောက်တိုင်း၊ မန္တလေးဘုရားကြီး အရှေ့မုခ်အနီးရှိ အရှင်သုစိတ္တာဘိဝံသ (သ၊ စ၊ သ၊ အ) လေးဘွဲ့ရ ဓမ္မာစရိယ၏ ဓမ္မိကာရာမကျောင်းတိုက် နံ့သာမြိုင်ကျောင်းတွင် သံမိုက်ပဋ္ဌာန်း အထူးသင်တန်းကြီး ပို့ချလာခဲ့သည်မှာ (၁၅)ကြိမ် ရှိခဲ့ပြီး ဖြစ်ပါသည်။
ထို့နောက် သင်တန်းနည်းပြ ကျွမ်းကျင်ဆရာများဖြစ်ကြသော ဒေါက်တာ ဦးခင်မောင်ကြည်နှင့် ဇနီး ဒေါက်တာ ဒေါ်ချိုချိုမာ တို့၏ တောင်းပန်လျောက်ထားချက်အရ မန္တလေးမြို့၊ မဟာအောင်မြေမြို့နယ်၊ ၆၉ လမ်း၊ မဟာနွယ်စဉ်ရပ်၊ မဟာဗောဓိကုန်းရိပ်သာဝင်း၊ မဟာသန ္တိသုခ ဓမ္မာရုံ ဓမ္မဒီပတွင် လူပုဂ္ဂိုလ်များဆိုင်ရာ ဗုဒ္ဓစာပေသင်တန်းကျောင်းတါင် သင်တန်းသူ၊ သင်တန်းသား (၃၅၀) ခန့်တို့အား အပတ်စဉ် စနေ၊ တနင်္ဂနွေနေ့များမှ ပဋ္ဌာန်းဘာသာရပ်ကို သင်ကြားပေးလျှက် ရှိပါသည်။
ထို့အပြင် မန္တလေးမြို့၊ နိုင်ငံတော် ပရိယတ္တိသာသနာ့တက္ကသိုလ် အင်္ဂလိပ်စာ ပါမောက္ခ ဒေါက်တာအရှင်အာစာရ၏ စီစဉ်မငဖြင့် စင်္ကာပူနိုင်ငံ ဓမ္မဒေါင်းလုပ်မိသားစုတို့၏ ပစ္စယာနုဂ္ဂဟ ခံယူကာ သာမဏေကျော်စာဝါများကို အင်တာနက်မှ dhammadownload မှ အကြိမ် (၁၅၀)ကျော် ထုတ်လွှင့်ပို့ချပေးလျှက် ရှိပါသည်။ ဒုတိယဆင့်၊ တတိယဆင့် သာမဏေကောျ် စာဝ်များကိုလည်း ဆက်လက် ထုတ်လွှင့် ပို့ချမည် ဖြစ်ပါသည်။
ဆရာတော်၏ လေးကျွန်းမာရ်အောင် သာမဏေကျော် စာသင်တိုက်အတွင်းမှာပင် အင်္ဂါ ဗုဒ္ဓဟူးနေ့ များတွင် နိကာယ်သင်တန်းများကိုလည်း ပို့ချပေးလျှက် ရှိပါသည်။
၁၃၇၂ ခုနှစ်၊ ပထမဝါဆိုလ္ဆန်း (၂)ရက်နေ့တွင် မုံရွာမြို့၊ ကံချွန်မုန့်တိုက်နှင့် လကမ္ဘာပလက်စတစ် ရောင်းဝယ်ရေးမိသားစုများဖြစ်ကြသော ဖခင်ကြီး ချစ်လှိုင်၊ မိခင်ကြီး ဒေါ်ညွှန့်ညွှန့် အမှုးထား၍ (သမီး) ကလျှာဏီ ဒေါ်သန်းသန်းနု၊ ဒေါ်ခင်မာဝင်း၊ ဒေါ်မြင့်မြင့်စိုး (သား) ကိုဌေးလွင်၊ မောင်ဖိုးချို မိသားစုတို့က ဒုတိယအကြိမ် ရဟန်းဒကာ၊ ဒကာမ များအဖြစ်ဖြင့်လည်းကောင်း
၁၃၇၃ ခုနှစ် ပြာသိုလပြည့်နေ့တွင် မန ္တလေးပုသိမ်ကြီးချောင်းဝန်း ဆည်မြောင်းဋ္ဌာန ဦစီးအရာရှိ ဦးတင်စိုး + ဒေါ်လှမြင့် မိသားစုတို့က တတိယအကြိမ် ရဟန်းဒကာ၊ ဒကာမများအဖြစ်ဖြင့် လည်းကောင်း၊
၁၃၇၆ ခုနှစ် တပို့တွဲလဆန်း (၈)ရက်နေ့တွင်၊ မန ္တလေးမြို့၊ ၁၉ လမ်း ညောင်ပင်ဈေး ရတနာဋ္ဌေး ကျောင်းဆောင် ကျောင်းအမ ဒေါ်မာမာဋ္ဌေးနှင့် ညီအစ်ကို မောင်နှမတစ်စုတို့က စတုတထအကြိမ် အဖြစ်ဖြင့် လည်းကောင်း ကံထပ်မင်္ဂလာပြုလုပ်ကြပါသည်။

ပရိယတ္တိပညာများ သင်ယူခြင်းနှင့် အောင်မြင်ခဲ့သော စာမေးပွဲများ

၁၃၃၆ ခုနှစ်၊ ကဆုန်လတွင် မုံရွာမြို့၊ မဟာဇောတိကာရာမပါဠိတက္ကသိုလ်ကျောင်းတိုက်ကြီးသို့ ရောက်ရှိပြီး ပဓာနနာယကဆရာတော် ဘဒ္ဒန္တစန္ဒာသီရိ (အဘိဓဇမဟာရဋ္ဌဂုရု နိုင်ငံတော် ာသဝါဒါစရိယ၊ ဘဒ္ဒန ္တကဝိန္ဒ (အဂ္ဂမဟာပဏ္ဍိတ၊ နိုင်ငံတော် သြဝါဒါစရိယ)၊ ဘဒ္ဒန္တဂါရဝ (အဂ္ဂမဟာပဏ္ဍိတ နိုင်ငံတော် သြဝါဒစရိယ) စသည့် နာယကဆရာတော်များနှင့် စာချဆရာတော်များထံ ပရိယတ္တိစာပေများကို သင်ယူခဲ့ရာ အခြေခံအတန်းများ ပထမငယ်၊ ပထမလတ်၊ ပထမကြီးတန်းများ အောင်မြင်တော်မူခဲ့ပါသည်။
ရဟန်းဖြစ်စ (၁)ဝါအရမှာပင် ဓမ္မာစရိယ စာမေးပွဲ ဓမမသင်္ဂဏီကျမ်းအောင်မြင်ပြီး ၁၃၄၆ ခုနှစ်တွင် ပဲခူးမြို့ သာသနာ့မဏ္ဍိုင်ကျောင်းတိုက် ပြောင်းရွှေ့ပြီး ဆရာတော် ဘဒ္ဒန္တသံဝရ (အဂ္ဂမဟာပဏ္ဍိတ) ဘဒ္ဒန္တပညာသီဟ၊ ဘဒ္ဒန္တတေရိန္ဒ၊ ဘဒ္ဒန္တဓမ္နာနန္ဒစာရ စသော နာယကစာချ ဆရာတော်များထံ ဆက်လက် ပညာသင်ကြားခဲ့ရာ ဓမ္မာစရိယစာမေးပွဲ သီလက္ခန်ကျမ်းကို ရဟန်း (၂)ဝါအရ ဆက်လက်အောင်မြင်ခဲ့ပါသည်။

၁၃၄၇-ခုနှစ်တွင် မုံရွာမြို့ မဟာဇောတိကာရာမတိုက် ပြန်လည်ရောက်လာပြီး နှစ်နှစ်ဆက် ဖြေဆိုရာ ၁၃၄၈-ခုနှစ် ပါရာဇိကဏ်ကျမ်းအောင်မြင်သည့်အတွက် သာသနာ့ဓဇ ဓမ္မာစရိယဘွဲ့ကို ရရှိတော်မူခဲ့ပါသည်။ ဆက်လက်ပြီး အစိုးရနိကယ်စာမေးပွဲများကို ဝင်ရောက်ဖြေဆိုခဲ့ရာ၊ ဝိနယဝိဒူ၊ ဒိဃကာယဝိဒူ၊ အဘိဓမ္မာဝိဒူဘွဲ့များကို ရရှိတော်မူခဲ့ပါသည်။
အထူးသဖြင့် အဘိဓမမာ (၇) ကျမ်းတွင် အခက်ဆုံးဖြစ်သော ယမိုက်ကျမ်းနှင့် ပဋ္ဌာန်းကျမ်းတို့ကို ရန်ကုန်မြို့၊ အဘိဓမ္မာပါရဂူ အင်းစိန်ဆရာတော် အရှင်တိလောကဘိဝံသ ထံ အထူးပြုဘာသာအဖြစ် သင်ယူခဲ့ပါသည်။
ထို့ပြင် ပဋ္ဌာန်းဒေသနာတွင် ကျွမ်းကျင်နိုင်ရန်အတွက် ဦးတေဇောဘာသ မစိုးရိမ်တက်ကုန်း ပဋ္ဌာန်းခွေများကို အစမှ အဆုံး (၁၀)ကြိမ်တိုင် နားထောင်ခဲ့သည်။

Dhamma Talk Video

မန္တလေး၊ ရန်ကင်းတောင်၊ လေးကျွန်းမာရ်အောင်၊
သာမဏေကျော်စာသင်တိုက်၊
ယမိုက် ပဋ္ဌာန်းအထူးသင်တန်း နည်းပြဆရာတော် သင်ကြားပို့ချသော သာမဏေကျော် ပထမအဆင့် -

သာမဏေကျော် ပထမအဆင့် - သင်္ဂဟလက်ဆောင် စာဝါ - အဖွင့်

သာမဏေကျော် ပထမအဆင့် - သင်္ဂဟလက်ဆောင် စာဝါ - အမှတ် (၁)

သာမဏေကျော် ပထမအဆင့် - သင်္ဂဟလက်ဆောင် စာဝါ - အမှတ် (၂)

သာမဏေကျော် ပထမအဆင့် - သင်္ဂဟလက်ဆောင် စာဝါ - အမှတ် (၃)

သာမဏေကျော် ပထမအဆင့် - သင်္ဂဟလက်ဆောင် စာဝါ - အမှတ် (၄)

သာမဏေကျော် ပထမအဆင့် - သင်္ဂဟလက်ဆောင် စာဝါ - အမှတ် (၅)

သာမဏေကျော် ပထမအဆင့် - သင်္ဂဟလက်ဆောင် စာဝါ - အမှတ် (၆)

သာမဏေကျော် ပထမအဆင့် - သင်္ဂဟလက်ဆောင် စာဝါ - အမှတ် (၇)

သာမဏေကျော် ပထမအဆင့် - သင်္ဂဟလက်ဆောင် စာဝါ - အမှတ် (၈)

သာမဏေကျော် ပထမအဆင့် - သင်္ဂဟလက်ဆောင် စာဝါ - အမှတ် (၉)